«ԱՄԵԱ ՍԹԱՐ» սահմանափակ պատասխանատվությամբ ընկերությունը, ի դեմս տնօրեն Ելենա Մկրտչյանի, որը գործում է Կանոնադրության հիման վրա, այսուհետ՝ Վարձատու (Ընկերություն), մի կողմից, և __________________, այսուհետ՝ Վարձակալ (Հաճախորդ), մյուս կողմից, երկուսը միասին՝ Կողմեր, կնքեցին Պայմանագիրը հետևյալի մասին.

Սույն պայմանագիրը կնքվում է էլեկտրոնային եղանակով` ՀՀ Քաղաքացիական օրենսգրքի 450-րդ հոդվածի պահանջների համաձայն` Հաճախորդի կողմից դրա լրիվ և անվերապահ ընդունման ճանապարհով (ՀՀ քաղաքացիական օրենսգիրք հոդված 454):
Կնքելով սույն Պայմանագիրը՝ Հաճախորդը հաստատում է, որ ծանոթացել է դրան և համաձայն է Ընկերության կողմից սահմանված և https://tvoysklad.am/ կայքում զետեղված «Պահեստային Բոքսի վարձակալության ստանդարտ կանոններին» (այսուհետ՝ Կանոններ), որոնք սույն Պայմանագրի անբաժանելի մասն են կազմում (Պայմանագրի թիվ 1Հավելված):

1. Ընկերությունը տրամադրում է Հաճախորդին ժամանակավոր օգտագործման նպատակով Պահեստային Բոքս, որը հանդիսանում է ______________________________________________________________________ հասցեում գտնվող մետաղական կառույցի անբաժանելի մաս:

2.Պահեստային Բոքսի մակերեսը կազմում է _______ ք.մ.: Բոքսի համարը՝ ________:
3.Պահեստային Բոքսի վարձակալության ժամկետը՝
Սկզբի ամսաթիվ «_______» __________ 20___ թ.
Ավարտման ամսաթիվ «_______» __________ 20___ թ.:

Պահեստային Բոքսը համարվում է Հաճախորդին փոխանցված սույն կետի «Սկզբի ամսաթիվ» սյունակում նշված ամսաթվից: Պահեստային Բոքսի հանձնման- ընդունման առանձին ակտ կազմել չի պահանջվում:

1. Վարձակալության արժեքը կազմում է ______________ (___________) դրամ սույն Պայմանագրի 4-րդ կետում նշված ամբողջ ժամանակահատվածի համար:
2. Վճարման կարգ (լրացնելիս՝ ընտրել պահանջվողը):
3. Ամսական վճար ______________(________________) դրամի չափով, որտեղ հաշվարկային ժամանակաշրջանը հաջորդ ամսվա յուրաքանչյուր «_____» ամսաթիվն է:
4. Վճարման կարգ. կանխավճարը սույն Պայմանագրի 5-րդ կետում նշված արժեքի 100%-ի չափով:
5. Ամսական վճարման դեպքում հաջորդ վճարումը պետք է կատարվի ոչ ուշ, քան վարձակալության հաջորդ հաշվարկային ժամանակաշրջանի մեկնարկից 5 (հինգ) օրացուցային օր առաջ:
6. Վարձավճարի վճարման պարտավորությունների կատարման պահ է հանդիսանում Ընկերության հաշվարկային հաշվին դրամական միջոցների փոխանցման պահը:
7. Պայմանագրի գումարը ձևավորվում է Հաճախորդի կողմից ընտրված սակագնից և Պահեստային Բոքսի վարձակալության ժամկետից կախված:
8. Պայմանագիր կնքելիս և վարձակալության արժեքը հաշվարկելիս՝ Ընկերությունն իրավունք ունի կիրառել ակցիաներ և զեղչեր, որոնց նկարագրությունն ուղղակի կամ անուղղակի կերպով նախատեսված չէ Կանոններով: Նման ակցիաներն ու զեղչերը մեկնաբանվում են այնպես, ինչպես նկարագրված են Պայմանագրի կնքման ամսաթվի դրությամբ:
9. Պայմանագիրը համարվում է երկարացված, եթե Կողմերից ոչ մեկը չի տեղեկացնում մյուս Կողմին Պայմանագիրը լուծելու իր ցանկության մասին դրա գործողության ժամկետի ավարտից առնվազն 5 (հինգ) օրացուցային օր առաջ:
10. Սույն Պայմանագրի գործողության ընթացքում վարձակալության ժամկետի և/կամ վարձակալվող Պահեստային Բոքսերի թվի փոփոխության դեպքում Կողմերը պետք է կնքեն Լրացուցիչ համաձայնագիր, որը կսահմանի վարձակալության նոր պայմանները:
Ընկերությունն ունի առանց Հաճախորդի նախնական համաձայնության Կանոններում փոփոխություններ կատարելու իրավունք: Կանոնների նոր խմբագրության հետ Հաճախորդի համաձայն չլինելու դեպքում սույն Պայմանագիրը կարող է լուծվել: Պայմանագիրը լուծված է համարվում Ընկերությանն ուղղված՝ Հաճախորդից համապատասխան ծանուցում ստանալու ամսաթվից՝ այն պայմանով, որ Հաճախորդը Պայմանագրի լուծման ամսաթվի դրությամբ կպահպանի Կանոնների 2.4-րդ կետը: Քանի դեռ Ընկերությունը Պայմանագրի լուծման մասին համապատասխան ծանուցում չի ստացել, համարվում է, որ Հաճախորդը ընդունել է Կանոնների թարմացված խմբագրությունը և պարտավոր է վարձավճար վճարել սույն Պայմանագրի համաձայն՝ Կանոնների թարմացված խմբագրության մեջ ամրագրված դրույթների համաձայն:

1. Հաճախորդը համաձայն է սույն Պայմանագրի կնքման հետ կապված անձնական տվյալների պահպանմանը և մշակմանը:
2. Կողմերը հնարավոր են համարում փոխանակել սույն Պայմանագրի օրինակները, դրա հավելվածները և լրացուցիչ համաձայնագրերը, որոնք ուղարկվել են մյուս կողմին սույն Պայմանագրում նշված էլեկտրոնային փոստի հասցեներով, ինչպես նաև ճանաչում են Պայմանագրի վավերապայմաններում նշված հեռախոսահամարների հետ կապված «Whatsapp» և «Telegram» մեսենջերների միջոցով ստացված փաստաթղթերի օրինականությունը:

Պահեստային Բոքսի վարձակալության ստանդարտ կանոնները

Եզրույթներ և սահմանումներ

• Պայմանագիր՝ կողմերի համաձայնություն, որը կարգավորում է Պահեստային Բոքսի վարձակալության պայմաններին վերաբերող՝ Ընկերության և Հաճախորդի միջև հարաբերությունները:
• Պահեստային Բոքսի վարձակալության ստանդարտ պայմաններ (այսուհետ՝ Կանոններ)՝ սույն փաստաթուղթը, որը հանդիսանում է Պայմանագրի հավելված և դրա անբաժանելի մաս և զետեղված է https://tvoysklad.am/ կայքում: Ստորագրելով Պայմանագիրը՝ Հաճախորդը միանում է Պահեստային Բոքսի վարձակալության ստանդարտ պայմաններին՝ ՀՀ Քաղաքացիական օրենսգրքի 444 հոդվածի իմաստով
• Պահեստային Բոքս՝ անհատական բոքս, որը Ընկերության կողմից Ընկերության և Հաճախորդի միջև կնքված Վարձակալության պայմանագրի պայմանների համաձայն ժամանակավոր օգտագործման նպատակով տրամադրվել է Հաճախորդին:
• Պահեստային Բոքսի օգտագործման ժամկետ` Պայմանագրով սահմանված Պահեստային Բոքսի օգտագործման ժամկետ:
• Հաճախորդ՝ ցանկացած ֆիզիկական և իրավաբանական անձ, որը Ընկերության հետ կնքել է Պահեստային Բոքսի Վարձակալության պայմանագիր:
• Ընկերություն՝ «Ամեա Սթար» սահմանափակ պատասխանատվությամբ ընկերություն ի դեմս տնօրեն Ելենա Մկրտչյանի (հիմնական պետական գրանցման համար՝ 271.110.1393080, ՀՎՀՀ՝ 08280484), որը Հաճախորդին վարձակալության նպատակով տրամադրում է Պահեստային Բոքսը:
• Կողմ՝ Ընկերությունը կամ Հաճախորդը, եթե նշվում են առանձին:
• Կողմեր՝ Ընկերությունը կամ Հաճախորդը, եթե նշվում են երկուսը միասին:
• Ընկերության կայք՝ կայք Համացանցում, https://tvoysklad.am/ հասցեում:
• Հաշվարկային ժամանակաշրջան՝ օրացուցային ամիս, որի հաշվարկը սկսվում է Պայմանագրի կնքման ամսաթվից, բացառությամբ այն դեպքերի, երբ վարձավճարը վճարվում է որոշակի ժամանակաշրջանի համար (3 ամիս, 6 ամիս, 12 ամիս կամ ցանկացած այլ ժամանակաշրջան, որը հավասար չէ 1 ամսին), այդ դեպքերում հաշվարկային ժամանակաշրջան է համարվում վճարված ժամանակաշրջանը:
• Ծանուցումներ՝ հայտարարություններ, հաղորդագրություններ, ծանուցագրեր, պահանջներ կամ այլ իրավաբանորեն նշանակալից հաղորդագրություններ, որոնց հետ է օրենքը կամ Պայմանագիրը կապում Կողմերի համար իրավաքաղաքացիական հետևանքները:

Ընդհանուր պայմանները

1.Սույն «Պահեստային Բոքսի վարձակալության ստանդարտ կանոնները» (այսուհետ՝ «Կանոններ») սահմանում են «Ամեա Սթար» ՍՊ ընկերության հետ վարձակալության պայմանագիր կնքած իրավաբանական և ֆիզիկական անձանց (այսուհետ՝ «Հաճախորդներ») Պահեստային Բոքսերը վարձակալության նպատակով հանձնելու կարգը:
2. Սույն Կանոնները Ընկերության և Հաճախորդի միջև կնքվող Պահեստային Բոքսի վարձակալության պայմանագրի անբաժանելի մասն են կազմում:
3. Պահեստային Բոքսը Հաճախորդին է տրամադրվում Վարձակալության պայմանագրի հիման վրա, որը կնքվում է Ընկերության և Հաճախորդի միջև ՀՀ Քաղաքացիական օրենսգրքի 444 հոդվածի համաձայն՝ Պայմանագրի ստորագրման միջոցով սույն Կանոններին Հաճախորդի միանալու ճանապարհով:
4. Ընկերությունը Հաճախորդին է տրամադրում Պահեստային Բոքսը բացառապես Հաճախորդի գույքը տեղադրելու նպատակով՝ Վարձակալության պայմանագրով նախատեսված կարգով և պայմաններով: Պահեստային Բոքսը այլ նպատակներով օգտագործելը արգելվում է:
5. Հաճախորդը տեղյակ է, որ կնքվող Պայմանագիրը չի հանդիսանում Հաճախորդի գույքի պահպանման պայմանագիր: Սույն Պայմանագրի պայմաններից բխող իրավահարաբերությունների նկատմամբ կիրառվում են ՀՀ Քաղաքացիական օրենսգրքի 35-րդ գլխի Վարձակալություն դրույթները:
6. Կնքելով Վարձակալության պայմանագիրը` Հաճախորդը հաստատում է, որ նրան հասկանալի է սույն Կանոնների տեքստը և նա պարտավորվում է պարտադիր կարգով պահպանել դրանք:
7. Կողմերը ճանաչում են փաստաթղթերի և իրավաբանորեն նշանակալից ծանուցումների և հաղորդագրությունների փոխանակումը էլեկտրոնային փոստի հասցեների, ինչպես նաև Պայմանագրի վավերապայմաններում նշված հեռախոսահամարներին վերաբերող «Whatsapp», «Telegram» մեսենջերների միջոցով: Նման փաստաթղթերն ու հաղորդագրությունները համարվում են պատշաճ կերպով ուղարկված:
Պահեստային Բոքսը ընդունելու և վերադարձնելու կարգը

2.1. Պահեստային Բոքսը փոխանցվում է Հաճախորդին վարձակալության նպատակով Պայմանագրի կնքման օրը, բայց ոչ ուշ, քան Հաճախորդի կողմից վարձավճարի վճարման օրը: Սույն Պայմանագիրն ունի Պահեստային Բոքսի հանձնման-ընդունման ակտի ուժ: Պահեստային Բոքսի հանձնման-ընդունման առանձին ակտի կազմում չի պահանջվում:
2.2. Հաճախորդը ընդունում է Պահեստային Բոքսը ըստ դրա տեխնիկական և սանիտարական վիճակի մինչև այն օրվա ավարտը, երբ նրան տրամադրվել է մուտք դեպի վարձակալված Պահեստային Բոքս: Պահեստային Բոքսի վիճակին առնչվող որևէ դիտողությունների առկայության դեպքում Հաճախորդը գրավոր տեղեկացնում է այդ մասին Ընկերությանը` կցելով լուսանկարներ:
2.3. Կանոնների 2.2-րդ կետում սահմանված ժամկետում Պահեստային Բոքսում հայտնաբերված թերությունների առկայության վերաբերյալ Հաճախորդի կողմից գրավոր ներկայացված դիտողությունների բացակայության դեպքում Պահեստային Բոքսը համարվում է Հաճախորդի կողմից առանց դիտողությունների պատշաճ վիճակում ընդունված:
2.4. Պահեստային Բոքսը Ընկերությանը վերադարձնելը իրականացվում է Հաճախորդի կողմից առնվազն 3 (երեք) հատ լուսանկար տրամադրելու միջոցով, յուրաքանչյուր լուսանկարի պատկերը պետք է ընդգրկեն պարագծի ⅓ (Պահեստային Բոքսի 3 պատ):
Վարձակալվող Պահեստային Բոքսը ազատելու ամսաթիվ է համարվում Հաճախորդի կողմից Ընկերության հասցեին ուղարկված ազատված Պահեստային Բոքսի լուսանկարների ստացման ամսաթիվը:
2.5. Ընկերությունն իրեն է վերապահում Պահեստային Բոքսի ազատման ամսաթվից սկսած 3 (երեք) օրացուցային օրվա ընթացքում վերադարձվող Պահեստային Բոքսի տեխնիկական և սանիտարական վիճակը գնահատելու և այն ընդունելու կամ չընդունելու իրավունքը:
2.6. Կանոնների 2.5 -րդ կետում նշված ժամկետում ազատված Պահեստային Բոքսի վիճակին առնչվող՝ Հաճախորդին ուղղված դիտողությունների կամ պահանջների բացակայության դեպքում համարվում է, որ Ընկերությունը ընդունել է Հաճախորդից Պահեստային Բոքսը առանց դիտողությունների կամ պահանջների:

Պահեստային Բոքսի հասանելիությունը

1. Հաճախորդը իրավունք ունի մուտք գործել Պահեստային Բոքս Ընկերության կայքում նշված մուտքի ժամերին: Այլ ժամերին մուտքը Պահեստային Բոքս արգելվում է: Ընկերությունն իրավունք ունի փոխելու Մուտքի ժամերը՝ Հաճախորդին նախապես տեղեկացնելով այդ մասին ցանկացած եղանակով՝ հեռախոսով, էլեկտրոնային փոստով, «Whatsapp», «Telegram» մեսենջերների միջոցով, տեղեկատվությունը Ընկերության կայքում հրապարակելու միջոցով։
2. Պահեստային Բոքսը վարձակալության ընդունելու պահից Հաճախորդն անձնական պատասխանատվություն է կրում Պահեստային Բոքսի ներսում գտնվող գույքի պահպանության համար:
3. Հաճախորդը ինքնուրույն կերպով իր ուժերով և իր հաշվին սեփական փականքն է տեղադրում Պահեստային Բոքսի դռան վրա և հետագայում պատասխանատվություն է կրում Պահեստային Բոքս երրորդ անձանց չարտոնված մուտքի համար: Պահեստային Բոքսերի գտնվելու վայր կարող են մուտք գործել միայն Հաճախորդը կամ Հաճախորդի կողմից Պայմանագրում նշված լիազորված անձը: Հաճախորդը պարտավորվում է կանխել այլ անձանց մուտքը տարածք:
4. Հաճախորդը պատասխանատու է Պահեստային Բոքսի դռներին փականք տեղադրելու համար և պետք է ապահովի, որ Պահեստային Բոքսում Հաճախորդի բացակայելու ժամանակ այն լինի փակված: Ընկերությունը պարտավոր չէ կողպել Հաճախորդի կողմից չկողպված Պահեստային Բոքսը:

Կողմերի իրավունքներն ու պարտականությունները
Ընկերությունը պարտավոր է.

1. Պայմանագիրը կնքելուց հետո Հաճախորդին տրամադրել Պահեստային Բոքսը:
2. Ապահովել Հաճախորդի մուտքը Պահեստային Բոքս:
3. Ապահովել Պահեստային Բոքսի պատշաճ վիճակը:
4. Կանոնների և/կամ Սակագների փոփոխության ամսաթվից ոչ ուշ, քան 10 (տասը) օրացուցային օր առաջ տեղեկացնել Հաճախորդին առաջիկա փոփոխության մասին՝ Պայմանագրով նախատեսված ցանկացած հարմար եղանակով համապատասխան ծանուցում ուղարկելու միջոցով:

Ընկերությունը իրավունք ունի.

1. Սույն Կանոնների և Սակագների համաձայն ստանալ Հաճախորդից վարձակալության և այլ վճարները, ներառյալ Պայմանագրի գործողության դադարեցման ամսաթվից հետո Պահեստային Բոքսում թողնված՝ Հաճախորդի գույքի պահպանման, վաճառքի կամ Կանոնների համաձայն այլ կերպ տնօրինման հետ կապված Ընկերության ծախսերի հատուցման գումարը:
2. Միակողմանի կարգով փոփոխություններ մտցնել Կանոնների և/կամ Սակագների մեջ՝ նախապես տեղեկացնելով Հաճախորդին Ընկերության կայքում նոր խմբագրությամբ Կանոնները և/կամ Սակագները զետեղելու միջոցով, ինչպես նաև սույն Կանոնների 4.1.4-րդ կետով սահմանված եղանակով: Կանոնների և Սակագների ցանկացած փոփոխություն տարածվում է Պայմանագիրը կնքող բոլոր Հաճախորդների վրա:
3. Մուտք գործել Պահեստային Բոքս առանց Հաճախորդի համաձայնության (անհրաժեշտության դեպքում կոտրել կողպեքը) և տեղափոխել Պահեստսյին Բոքսում պահվող ցանկացած գույքը հետևյալ դեպքերում՝
·Պահեստային Բոքսի շտապ վերանորոգման դեպքում,
·Հաճախորդի, Ընկերության կամ այլ անձանց գույքին վնաս հասցնելու վտանգի դեպքում,
·հեռացնելու համար գույքը, որը արգելվում է պահել Պահեստային Բոքսում,
·եթե Ընկերությունն ունի համապատասխան պարտականություն, որը բխում է օրենսդրական նորմերից և/կամ լիազորված մարմինների կարգադրություններից:
Պահեստային Բոքսի բացման փաստով կազմվում է Ակտ, որը ստորագրվում է Պահեստային Բոքսի բացմանը ներկա երկու վկաների կողմից: Ընկերությունը պետք է անհապաղ տեղեկացնի Հաճախորդին Պահեստային Բոքսի բացման և դրա պատճառների մասին:


1. Եթե Հաճախորդը 10 (տասը) օրացուցային օրից ավելի ունի վարձակալության վճարների կամ այլ վճարների հետ կապված պարտք, ապա Ընկերությունն իրավունք ունի սահմանափակելու Հաճախորդի մուտքը Պահեստային Բոքս, ինչպես նաև Պայմանագրի 4.1.4-րդ կետի համաձայն համապատասխան ծանուցում ուղարկելու միջոցով միակողմանի կարգով հրաժարվել սույն Պայմանագիրը կատարելուց:
2. Ընկերությունն իրավունք ունի պահել Պահեստային Բոքսում պահպանվող գույքը, որպես ՀՀ Քաղաքացիական օրենսգրքի 368, 373, 374 հոդվածների հիման վրա Ընկերության նկատմամբ Հաճախորդի պարտավորությունների կատարման երաշխիք: Այդ դեպքում Ընկերությունը Պայմանագրի 4.1.4-րդ կետի պայմանների համաձայն պետք է ուղարկի համապատասխան ծանուցում:
3. Պարտքի առկայության մասին ծանուցումն ուղարկելու ամսաթվից 10 (տասը) օրացուցային օրը լրանալուն պես Հաճախորդից վճարում չստանալու դեպքում Ընկերությունն իրավունք ունի գույքը իր հայեցողությամբ Պահեստային Բոքսից տեղափոխել մի այլ վայր, որը կհամարի հարմար: Ընկերությունը պետք է համապատասխան ծանուցում ուղարկի Կանոնների 1.7-րդ կետի պայմանների համաձայն: Տվյալ ծանուցման մեջ Ընկերությունը պետք է նշի Հաճախորդի իրերի վճարովի պահպանման արժեքը մեկ օրվա համար: Հաճախորդը պարտավոր է հատուցել իր գույքի պահպանման ծախսերը։
4. Ընկերությունն իրավունք ունի իրացնելու Հաճախորդի՝ իր մոտ պահվող գույքը կամ տնօրինելու այն իր հայեցողությամբ Օրենքով չարգելված որևէ այլ եղանակով՝ Հաճախորդին պարտքը վճարելու անհրաժեշտության մասին ծանուցումը ուղարկելու օրվանից 30 (երեսուն) աշխատանքային օրը լրանալուց հետո: Վաճառքից ստացված դրամական միջոցները պետք է հաշվվեն Ընկերության կատարած՝ իրացման հետ կապված ծախսերի դիմաց, այնուհետև՝ պարտքի հիմնական գումարի դիմաց (ներառյալ պահպանման լրացուցիչ ծախսերը), ընդ որում՝ Հաճախորդին պետք է վերադարձվի միայն ստացված գումարի այն մասը, որը մնացել է բոլոր ծախսերը ծածկելուց հետո:
5. Եթե պահվող գույքի իրացումից ստացված գումարը չծածկի Հաճախորդի պարտքը Ընկերության հանդեպ, Ընկերությունն իրավունք ունի Հաճախորդից պահանջելու իր կողմից կատարած ծախսերի մնացած չծածկված գումարը:
6. Եթե Վարձակալության պայմանագրի դադարեցումից հետո Հաճախորդը չի կատարում Պահեստային Բոքսն իրեն պատկանող իրերից ժամանակին ազատելու պարտականությունը, Ընկերությունն իրավունք ունի նման Հաճախորդի նկատմամբ կիրառել Կանոնների 4.2.6., 4.2.7-րդ կետերով նախատեսված իր լիազորությունները:
7. Ընկերությունն իրավունք ունի փոխելու Պահեստային Բոքսի տեղը: Ընկերությունը նոր տեղի մասին պետք է տեղեկացնի Հաճախորդին 10 աշխատանքային օր առաջ: Հաճախորդն իրավունք ունի հրաժարվելու նոր վայր տեղափոխվելուց: Այդ դեպքում Պայմանագիրը ենթակա է լուծման:
8. Ընկերությունն իրավունք ունի չթույլատրել որևէ գույքի տեղադրումը՝ անկախ պատճառներից:

Հաճախորդը պարտավոր է.

1. Պայմանագիրը կնքելիս՝ ստանալ և ստուգել Պահեստային Բոքսի վիճակը, Պահեստային Բոքսի վրա տեղադրել կողպման հարմարանք (կախովի կողպեք), որը համապատասխանում է Պահեստային Բոքսի պարամետրերին:
2. ժամանակին և ամբողջությամբ վճարել վարձակալության վճարը։
3. Ինքնուրույն տեղադրել կողպեքը Պահեստային Բոքսի դռան վրա և ապահովել, որ Պահեստային Բոքսը փակված լինի:
4. Ինքնուրույն հետևել, որ Պահեստային Բոքսում պահվող իրերը փոխազդեցության հետևանքով չվնասվեն:
5. Օգտագործել Պահեստային Բոքսը բացառապես գույք պահելու համար՝ հաշվի առնելով Կանոններով սահմանված սահմանափակումները:

Պահեստային Բոքսը օգտագործելիս՝ արգելվում է.

·խոչընդոտներ ստեղծել Ընկերության աշխատակիցների կամ այլ հաճախորդների համար,
·Պահեստային Բոքսում կամ հարակից տարածքում իրականացնել վերանորոգման կամ արտադրական աշխատանքներ,
·իրականացնել Պահեստային Բոքսի կառուցվածքային փոփոխություններ,
·օգտագործել Պահեստային Բոքսը որպես աշխատանքային վայր,
·Պահեստային Բոքսի շենքի հասցեն օգտագործել՝ որպես գտնվելու վայրի հասցե գրանցելու նպատակով,
·կեղտոտել կամ այլ կերպ վնաս հասցնել Պահեստային Բոքսին կամ պահեստի ընդհանուր տարածքում գտնվող այլ գույքին,
·փոխել, տեղափոխել ինժեներական ցանցերի և հաղորդակցությունների ցանկացած հատված, խախտել պատերի և միջնորմերի ամբողջականությունը, անցքեր անել, Պահեստային Բոքսի պատերին դարակներ և այլ առարկաներ ամրացնել,
·խոչընդոտներ ստեղծել Պահեստային Բոքսի պահպանական և հակահրդեհային ազդանշանային համակարգերի աշխատանքի համար,
·ծխել, Պահեստային Բոքսում և շենքում օգտագործել բաց կրակի աղբյուրներ,
·տեղադրել և/կամ օգտագործել ձայնագրման և տեսահսկման սեփական միջոցներ:

Առարկաների ցանկը, որոնց պահպանումը Պահեստային Բոքսում արգելվում է

· Օգտագործել Պահեստային Բոքսը մարդկանց և/կամ կենդանիներին պահելու համար,
·վտանգավոր և/կամ շուտ փչացող ապրանքներ,
·պայթուցիկ նյութեր, զենք, զինամթերք,
·թմրեցուցիչ, տոքսիկ, ռադիոակտիվ, ուժեղ հոտ արձակող, թունավոր, դյուրավառ իրեր և նյութեր, որոնք վտանգավոր են շրջակա միջավայրի համար,
·պարենային (շուտ փչացող) ապրանքներ և աղբ,
·վառելիքի և նավթի ամաններ, անպետքացած իրեր, ազատ շրջանառությունից հանված այլ վտանգավոր իրեր կամ իրեր, որոնց հատկությունները բացառում են Ընկերության սրահներում դրանք պահելու հնարավորությունը կամ որոնք կարող են վնաս պատճառել Հաճախորդի, Ընկերության կամ երրորդ անձանց գույքին:
Եթե Հաճախորդի կողմից սույն կետի խախտումը հանգեցրել է Ընկերության գույքի վնասմանը, Հաճախորդը պարտավոր է վերականգնել կամ փոխել վնասված գույքը սեփական միջոցների հաշվին կամ փոխհատուցել անհրաժեշտ վերանորոգման, վերականգնման կամ փոխարինման հետ կապված Ընկերության ծախսերը: Տվյալ գործողությունները պետք է կատարվեն Ընկերության կողմից Հաճախորդին հասցեագրված ծանուցման մեջ սահմանված ժամկետում:


1. Հետևել սույն Կանոններին, ինչպես նաև օրենքով սահմանված այլ պահանջներին և կանոններին, մասնավորապես՝ հրդեհային անվտանգության և անվտանգության տեխնիկայի կանոններին, կատարել Ընկերության աշխատակիցների օրինական պահանջները, անհապաղ տեղեկացնել Ընկերությանը Պահեստային Բոքսին հասցված ցանկացած վնասի մասին:
2. Անհապաղ տեղեկացնել Պայմանագրին առնչվող ցանկացած հանգամանքների ի հայտ գալու մասին, ներառյալ Հաճախորդի (վստահելի անձանց) անձը հաստատող փաստաթղթերի կորստին կամ փոխանակմանը վերաբերող փաստերի մասին, նրա հասցեի, հեռախոսահամարի, էլեկտրոնային փոստի հասցեի փոփոխության փաստի մասին (իրավաբանական անձանց դեպքում՝ լիազորագրերի հետկանչման կամ Պահեստային Բոքս մուտքի հետ կապված լիազորությունների դադարեցման մասին, գտնվելու վայրի հասցեի փոփոխսւթյան մասին): Տվյալ պարտականությունը չկատարելու դեպքում Հաճախորդը ենթարկում է իրեն չծանուցելու անբարենպաստ հետևանքների ի հայտ գալու վտանգին:
3. Պահպանել մաքրություն Պահեստային Բոքսում և Պահեստային Բոքսի շենքում: Հաճախորդի կողմից այդ պարտավորությունը չկատարելու դեպքում Ընկերությունն իրավունք ունի պահանջելու Հաճախորդի թողած աղբի հեռացման հետ կապված ծախսերի հատուցում: Հաճախորդը պարտավոր է Ընկերությանը վճարել նշված գումարը Ընկերության կողմից ներկայացված վճարման պահանջը ստանալու օրվանից 10 (տասը) օրացուցային օրվա ընթացքում:
4.. Պայմանագրի ավարտից հետո ազատել Պահեստային Բոքսը և հանձնել Ընկերությանը նույն այն վիճակում, որում այն տրամադրվել է Հաճախորդին: Պահեստային Բոքսը պետք է վերադարձվի Ընկերությանը մաքուր վիճակում՝ առանց Հաճախորդի Գույքի:
5.Անհապաղ տեղեկացնել Ընկերությանը Պահեստային Բոքսի թերությունների և անսարքության մասին:
6. Կանոններով նախատեսված դեպքերում փոխհատուցել վնասները և ծախսերը, որը Ընկերությունը կրել է Հաճախորդի գույքի առգրավման, պահպանման, իրացման, ոչնչացման կամ այլ կերպով տնօրինման հետևանքով:

Հաճախորդը իրավունք ունի



1. Օգտագործել Պահեստային Բոքսը սույն Կանոններին համապատասխան:
2. Ապահովագրել Պահեստային Բոքսում տեղադրված իր գույքը իր հաշվին՝ սեփական հայեցողությամբ:
3. Փոխանցել երրորդ անձանց Պահեստային Բոքս մուտք գործելու իրավունքը այն պայմանով, որ Հաճախորդն անձամբ է տրամադրել լիազորված անձանց վերաբերող տվյալները՝ սույն Պայմանագրի մեջ մտցնելու նպատակով:
Ցանկացած անձ, որը Հաճախորդի թույլտվությամբ ունի Պահեստային Բոքս մուտք գործելու իրավունք, պարտավոր է կատարել սույն Պայմանագրի պահանջները: Հաճախորդը պարտավոր է այդ անձանց տեղեկացնել Կանոնների դրույթների մասին և պատասխանատվություն է կրում նրանց գործողությունների համար:

1. Հաճախորդն իրավունք ունի միակողմանի արտադատական կարգով հրաժարվել Պայմանագրից՝ այդ մասին գրավոր տեղեկացնելով Ընկերությանը 5 (հինգ) օրացուցային օր առաջ:
2. Հաճախորդը իրավունք չունի մուտք գործել այլ Պահեստային Բոքսեր և կարող է մուտք գործել միայն իր կողմից վարձակալված Պահեստային Բոքսը:
3. Հաճախորդն իրավունք չունի առանց Ընկերության նախնական գրավոր համաձայնությունը ստանալու Պայմանագրով սահմանված իր իրավունքները զիջել երրորդ անձանց:
4. Հաճախորդը երաշխավորում է Ընկերությանը, որ գույքը, որը պետք է պահվի Պահեստային Բոքսում,
· պատկանում է իրեն օրինական հիմքով,
· վտանգավոր չէ,
· չի ներառում և չի պարունակում վտանգավոր նյութեր (պայթյունա/հրդեհավտանգ, թունավոր, ռադիոակտիվ),
·չի աղտոտում կամ այլ կերպ չի վնասում պահեստի և դրանում պահվող գույքի վիճակին,
·չի հանդիսանում գույք, որը օրենսդրության համապատասխան բռնագրավված է կամ որի շրջանառությունը սահմանափակված է:

Գինը և հաշվարկման կարգը

1. Կանոններով և Սակագներով սահմանված վճարումները իրականացվում են ՀՀ դրամով` Ընկերության բանկային հաշվին անկանխիկ եղանակով փոխանցելու միջոցով:
2. Առաջին ժամանակաշրջանի համար Հաճախորդը պետք է վճարի Պայմանագրի կնքման օրը: Հաջորդ ժամանակաշրջանների համար վճարումները պետք է կատարվեն հաջորդ հաշվարկային ժամանակաշրջանի մեկնարկի ամսաթվից ոչ ուշ, քան 5 (հինգ) օրացուցային օր առաջ:
Կողմերը ընդունում են, որ Ընկերությունը չի պարտավորվում տոկոսներ վճարել վճարումների և դեպոզիտի գումարի համար: Հաճախորդը Ընկերության հետ համաձայնությամբ կարող է վճարումներ կատարել մի քանի ժամանակաշրջանների համար միանվագ կերպով:


1. Ընկերությունն իրավունք ունի բարձրացնելու վարձավճարը՝ ծանուցում ուղարկելու միջոցով տեղեկացնելով այդ մասին Հաճախորդին առնվազն 10 (տասը) օրացուցային օր առաջ:
Պայմանագրի գործողության ժամկետի ընթացքում վարձավճարի չափի փոփոխության դեպքում Ընկերությունը զետեղում է վարձավճարի չափի փոփոխության մասին տեղեկությունները Ընկերության կայքում, որը նշված է Պայմանագրի 1-ին կետում, վճարման չափի փոփոխության օրվանից առնվազն 10 (տասը) օրացուցային օր առաջ:

Եթե Հաճախորդը համաձայն չէ վճարի չափի փոփոխությանը, նա իրավունք ունի հրաժարվելու Պայմանագիրը կատարելուց՝ Ընկերության հասցեին փոփոխության ամսաթվից առնվազն 5 (հինգ) օրացուցային օր առաջ ուղարկելով գրավոր մերժում: Մնացած բոլոր դեպքերում վճարի փոփոխված չափը համարվում է Հաճախորդի հետ համաձայնեցված:


1. Եթե Հաճախորդը վարձակալության վճարը վճարել է հաշվարկային մի քանի ժամանակաշրջանների համար կանխավճարային կարգով այնպես, որ վերջին վճարված հաշվարկային ժամանակաշրջանի ավարտման ամսաթիվը գալիս է վարձակալության վճարի չափի փոփոխության ամսաթվից հետո, ապա օգտագործման համար վճարի նոր չափի պայմանը ուժի մեջ է մտնում կանխավճարային կարգով վճարված վերջին հաշվարկային ժամանակաշրջանի ավարտից հետո: Վարձակալության պայմանագրի հետագա երկարացման դեպքում համարվում է, որ Հաճախորդը համաձայն է Պահեստային Բոքսի վարձակալության նոր պայմաններին:
2. Ընկերությունը կազմում և Հաճախորդին է ուղարկում Կատարված աշխատանքների ակտը յուրաքանչյուր հաշվարկային ժամանակաշրջանի վերջում, բայց ոչ պակաս, քան եռամսյակը մեկ անգամ: Հաճախորդի պահանջով Ակտը կարող է կազմվել և ուղարկվել Հաճախորդին այլ ժամկետում:
3.Վ արձակալության վճարը վճարելու պարտավորության ժամանակին կատարումը Քաղաքացիական օրենսգրքի հոդվածի համաձայն հանդիսանում է Պայմանագրի էական պայման:
4. Եթե Պայմանագրի գործողության ժամկետի ավարտից հետո Հաճախորդը առանց Պայմանագիրը երկարացնելու մտադրության մասին գրավոր ծանուցման շարունակում է օգտագործել Պահեստային Բոքսը, ապա փաստացի օգտագործման ժամանակաշրջանի համար գանձվում է վճար Ընկերության Կայքում զետեղված դրույքաչափերով:

Կողմերի պատասխանատվությունը
1.. Կողմերը ՀՀ օրենսդրության և սույն Վարձակալության պայմանագրի պայմանների համապատասխան պատասխանատվություն են կրում սույն Պայմանագրով ստանձնած պարտավորությունները չկատարելու կամ ոչ պատշաճ կատարելու համար:
2. Ընկերությունը պատասխանատվություն է կրում սույն Պայմանագրով սահմանված պարտավորությունների հանցավոր չկատարման կամ ոչ պատշաճ կատարման համար: Սույն Պայմանագրով սահմանված պարտավորությունների հանցավոր չկատարման կամ ոչ պատշաճ կատարման դեպքում Ընկերությունը պարտավոր է հատուցել Պատվիրատուին վնասը:
3. Ընկերությունը պատասխանատվություն է կրում Պահեստային Բոքսը օգտագործելու ընթացքում Պատվիրատուի գույքին պատճառած վնասի համար, եթե այդպիսի վնասը պատճառվել է Պահեստային Բոքսի կառուցվածքային թերությունների պատճառով, բացառությամբ այն դեպքերի, երբ գույքի վնասման պատճառ դարձած կառուցվածքային փոփոխությունները կատարվել են Հաճախորդի կողմից կամ կառուցվածքի թերությունները առաջացել են բնական աղետների կամ այլ հանգամանքների արդյունքում, որոնք Ընկերությունը չէր կարող կանխատեսել և կանխել:
4. Ընկերությունը պատասխանատվություն է կրում միայն դրա տեխնիկական վիճակի համար, որն անհրաժեշտ է սույն Կանոնների 1.1 –րդ կետում շարադրված նպատակների համար:
5. Ընկերությունը պատասխանատվություն չի կրում Հաճախորդի կողմից Պահեստային Բոքսում պահվող գույքի պահպանվածության կամ պակասելու համար, ինչպես նաև Հաճախորդի՝ Պահեստային Բոքս մուտք գործելու իրավունք ունեցող լիազորված անձանց գործողությունների հետևանքների համար: Եթե Պահեստային Բոքսում պահվող գույքի նկատմամբ չպարզված անձանց կողմից տեղի են ունեցել անօրինական գործողություններ, ապա Հաճախորդը իրավունք ունի օրենքով սահմանված կարգով պաշտպանել իր իրավունքները իրավապահ մարմիններին դիմելու միջոցով:
6. Ընկերությունը պատասխանատվություն չի կրում Հաճախորդի գույքի պահպանվածության համար, չի ընդունում պահպանման նպատակով Հաճախորդի իրերը, չի իրականացնում դրանց զննում, պատասխանատվություն չի կրում Պահեստսյին Բոքսում պահվող իրերի վիճակի համար:
7. Հաճախորդը պատասխանատվություն է կրում Պահեստային Բոքսում տեղադրված իր գույքի պահպանվածության համար և այդ պատճառով Հաճախորդն իրավունք ունի Պահեստային Բոքսի վրա տեղադրելու իր սեփական մեխանիկական կողպեքը:
8. Հաճախորդի կողմից Պահեստային Բոքսի օգտագործման Ժամկետի համար վճարելուն վերաբերող պարտավորությունները չկատարելու կամ ժամանակին չկատարելու, ինչպես նաև Պայմանագրով ստանձնած այլ պարտավորությունները չկատարելու կամ ժամանակին չկատարելու համար Ընկերությունն իրավունք ունի սահմանափակելու Հաճախորդի մուտքը Պահեստային Բոքս, ինչի մասին Ընկերությունը պետք է տեղեկացնի Հաճախորդին:
9. Վճարման ժամկետները խախտելու համար Ընկերությունն իրավունք ունի Հաճախորդից գանձելու տուժանք վճարումն ուշացնելու յուրաքանչյուր օրվա համար պարտքի գումարի 0,1%-ի չափով՝ մինչև պարտքի լրիվ մարումը:
10. Պահեստային Բոքսը սկզբնականից տարբերվող (բացառությամբ բնական մաշվածության) վիճակում վերադարձնելու դեպքում Հաճախորդը պարտավոր է Ընկերության միակողմանի պահանջով սահմանված ժամկետում հատուցել Պահեստային Բոքսը պատշաճ վիճակի բերելու հետ կապված Ընկերության կրած ծախսերը:
11. Պահեստային Բոքսը ոչ ժամանակին վերադարձնելու դեպքում Ընկերությունն իրավունք ունի Հաճախորդից գանձել տուգանք՝ ուշացման ամեն օրվա համար Պահեստային Բոքսի վարձակալության ամսական վճարի գումարի 0,13%-ի չափով և Հաճախորդին վերագրել Գույքը Պահեստային Բոքսից հեռացնելուն ուղղված միջոցառումների հետ կապված կորուստները:
12. Հաճախորդը պարտավորվում է հատուցել Ընկերության վնասները և ազատել Ընկերությունը պատասխանատվությունից, որը կապված է Ընկերության դեմ ներկայացված ցանկացած պահանջների, հայցերի կամ այլ քննությունների հետ, որոնք վերաբերում են Պահեստային Բոքսում պահվող գույքի նկատմամբ սեփականության իրավունքին առնչվող ցանկացած վեճերին կամ օրենքով այդ գույքը տիրապետելու իրավունք ունեցող անձին, կամ շրջապատի համար գույքի վտանգավոր կամ վնասակար հատկություններին, ինչպես նաև ազատել Ընկերությունը պատասխանատվությունից, որը կապված է բոլոր ծախսերի և այլ վնասների հետ, որը կրել է Ընկերությունը կամ որոնք ենթակա են Ընկերության կողմից վճարման վերոնշյալ ցանկացած պահանջների, հայցերի կամ այլ քննությունների առնչությամբ կամ դրանց հետևանքով: Հաճախորդը պետք է նաև Ընկերությանը ամբողջությամբ հատուցի վնասները, որը Ընկերությունը կամ վերջինիս աշխատակիցները կրել են ցանկացած բնույթի հայցերի, պահանջների, ծախսերի առնչությամբ, որոնք ծագել են Հաճախորդի կողմից Պահեստային Բոքսը օգտագործելու հետևանքով:

Պայմանագրի գործողության ժամկետը և լուծման կարգը
1.Պայմանագիրն ուժի մեջ է մտնում Ընկերության և Հաճախորդի կողմից դրա ստորագրման պահից:
2.Պայմանագրի փոփոխությունն ու լուծումը իրականացվում է սույն Կանոններով սահմանված դեպքերում:
3. Պայմանագրի ժամկետը սահմանվում է Վարձակալության պայմանագրի Կողմերի կողմից: Պայմանագրի ժամկետը լրանալուց ոչ ուշ, քան 5 (հինգ) օր առաջ Ընկերության ներկայացուցիչը Հաճախորդին տեղեկացնում է, որ պայմանագրի ժամկետը լրանում է: Հաճախորդի հետ համաձայնությամբ Պայմանագրի գործողության ժամկետը կարող է երկարացվել Հաճախորդի հետ համաձայնեցված ժամանակաշրջանով: Պահեստային Բոքսի օգտագործման դիմաց Հաճախորդի կողմից վճարման կատարումը հաստատում է, որ նա համաձայն է Պայմանագրի գործողության ժամկետի երկարացման պայմանին: Ընկերությունը պետք է Հաճախորդին ուղարկի թարմացված տեղեկատվություն Պայմանագրի երկարացման ժամկետների վերաբերյալ:
4. Պայմանագրի գործողության ժամկետը լրանալուց հետո Հաճախորդը չի ունենալու նոր ժամկետով Պայմանագիր կնքելու նախապատվության իրավունք:
5. Պայմանագրի ցանկացած փոփոխությունները և լրացումները կատարվում են գրավոր և ստորագրվում են Կողմերի լիազորված անձանց կողմից, եթե այլ բան սույն Կանոններով սահմանված չէ: Կողմերի կողմից սույն Պայմանագրում նշված էլեկտրոնային հասցեներին ուղարկված ցանկացած ծանուցումներ հավասարեցվում են գրավոր փաստաթղթերին:
6. Պայմանագրի գործողության դադարեցումը կողմերին չի ազատում պարտավորությունների կատարումից և դրանց խախտման համար պատասխանատվությունից, որոնք ծագել են մինչև Պայմանագրի գործողության ավարտի ամսաթիվը:
7. Կողմը իրավունք ունի ցանկացած ժամանակ միակողմանի արտադատական կարգով հրաժարվել Պայմանագիրը կատարելուց՝ այդ մասին առնվազն 5 (հինգ) օրացուցային օր առաջ գրավոր տեղեկացնելով մյուս Կողմին, եթե այլ բան սույն Կանոններով նախատեսված չէ: Ընդ որում՝ մինչև Պայմանագրի գործողության դադարեցումը Կողմերը պարտավոր են ավարտել բոլոր փոխհաշվարկները և կատարել Կանոններով և Պայմանագրով նախատեսված այլ պարտավորություններ:
8. Պայմանագիրը կարող է լուծվել Կողմերի փոխադարձ համաձայնությամբ:
9. Ընկերությունն իրավունք ունի լուծել պայմանագիրը միակողմանի արտադատական կարգով՝ Հաճախորդին նախապես տեղեկացնելով այդ մասին լուծման ենթադրյալ ամսաթվից առնվազն 5 (հինգ) օրացուցային օր առաջ, այդ թվում Պահեստային Բոքսի լուծարքի կամ վերասարքավորման, գտնվելու վայրի փոփոխությոն դեպքում:
10. Ընկերությունն իրավունք ունի միակողմանի արտադատական կարգով լուծել Պայմանագիրը Հաճախորդի կողմից Պայմանագրով նախատեսված իր պարտավորությունները չկատարելու/ոչ պատշաճ կատարելու դեպքում՝
· ծառայությունների դիմաց վճարումը 15 (տասնհինգ) օրացուցային օրից ավելի ուշացնելու դեպքում՝ միաժամանակ սահմանափակելով մուտքը դեպի Պահեստային Բոքս մինչև վճարումը ստանալը և ուղարկելով այդ մասին գրավոր ծանուցումը Հաճախորդին,
·եթե Հաճախորդը օգտագործում է Պահեստային Բոքսը այնպիսի իրեր և նյութեր տեղադրելու նպատակով, որոնց տեղադրումը արգելվում է,
·եթե Հաճախորդն օգտագործում է Պահեստային Բոքսը ոչ ուղղակի նպատակով կամ եթե Հաճախորդը վատթարացնում է Պահեստային Բոքսի վիճակը,
·եթե Հաճախորդը խախտում է Պայմանագրի այլ պայմաններ (առանց համաձայնեցման Պահեստային Բոքսի վերասարքավորում և վերակառուցում),
·եթե Կողմերը պայմանավորվել են, որ սույն Պայմանագիրը ցանկացած հիմքերով լուծելը չի հանգեցնում Կողմերի՝ Պայմանագրով նախատեսված դրամական պարտավորությունների դադարեցմանը (որոնք ծագել էին մինչև Պայմանագրի լուծումը), ինչպես նաև դրանք չկատարելու/ոչ պատշաճ կատարելու համար պատասխանատվության դադարեցմանը: Նշված պարտավորությունների գործողությունը շարունակվում է մինչև դրանք ամբողջությամբ կատարելը, եթե Կողմերի համաձայնությամբ այլ բան նախատեսված չէ:

1. Ընկերության նախաձեռնությամբ Կանոնների 7.10.2, 7.10.3, 7.10.4-րդ կետերով նախատեսված դեպքերում Պայմանագրի վաղաժամկետ լուծման դեպքում Ընկերությունը չի վերադարձնում Հաճախորդի կողմից վճարված վարձակալության վճարի մնացած մասը և հաշվում այն Պահեստային Բոքսը պատշաճ վիճակի բերելու նպատակով Ընկերության կողմից կատարվելիք կամ կատարված ծախսերի մարման դիմաց:
2. Կանոնների 7.9-րդ կետով նախատեսված դեպքերում Պայմանագիրը լուծելիս՝ Ընկերությունը վերադարձնում է օգտագործման վճարը օգտագործման չօգտագործված ժամկետի համար Ընկերության Հաճախորդի կողմից համապատասխան պահանջ ներկայացնելու օրվանից 5 (հինգ) աշխատանքային օրվա ընթացքում:
3. Պայմանագիրը վաղաժամկետ լուծելու դեպքում, որի պատճառն է այնպիսի հանգամանքների ի հայտ գալը, որոնց համար Ընկերությունը պատասխանատվություն չի կրում, և որոնց ի հայտ գալու մասին նա չգիտեր և/կամ չէր կարող և չպետք է իմանար, Հաճախորդի կողմից Պահեստային Բոքսի վարձակալության ամբողջ շրջանի համար կատարված վճարը վերադրձման ենթակա չէ:
Եթե Հաճախորդին տրամադրվել է զեղչ, որը կապված է եղել Պայմանագրի գործողության ժամկետի երկարատևության հետ, բայց հետագայում Հաճախորդը վաղաժամկետ լուծել է Պայմանագիրը, ապա զեղչը Պայմանագրի գործողության փաստացի ժամկետի ընթացքում պահպանվել չի կարող:
5. Հաճախորդն իրավունք ունի հրաժարվել Պայմանագրից միակողմանի արտադատական կարգով՝ լուծման ենթադրյալ ամսաթվից 5 (հինգ) օրացուցային օր առաջ գրավոր ծանուցելով Ընկերությանը: Այդ դեպքում Հաճախորդին վերադարձվում է Պահեստային Բոքսից օգտվելու դիմաց իր կողմից կատարած վճարի մի մասը, որը համեմատական է այն սպասարկման շրջանռւմ մնացած օրերի թվին, որում Հաճախորդը հայտարարել է Պայմանագիրը կատարելուց հրաժարվելու մասին՝ սկսած օրվանից, որը հաջորդում է Պահեստսյին Բոքսը Հաճախորդի կողմից ազատելու օրվան:
6. Հաճախորդից գրավոր ծանուցում ստանալու հետևանքով Պայմանագրի վաղաժամկետ լուծման դեպքում Հաճախորդին վերադարձվում է Պահեստային Բոքսից օգտվելու դիմաց իր կողմից կատարած վճարի մի մասը, որը համեմատական է այն սպասարկման շրջանում մնացած օրերի թվին, որում Հաճախորդը հայտարարել է Պայմանագիրը վաղաժամկետ լուծելու մասին՝ սկսած օրվանից, որը հաջորդում է Պահեստսյին Բոքսը Հաճախորդի կողմից ազատելու օրվան:
7. Եթե Պայմանագիրը դադարեցնելուց հետո Հաճախորդը շարունակում է օգտվել Պահեստային Բոքսից, փաստացի օգտագործման ժամանակաշրջանի համար գանձվում է վճար՝ Կայքում տեղադրված սակագներով:



Վեճերի լուծումը
1.Պայմանագիրը կարգավորվում է ՀՀ օրենսդրության համապատասխան:
2. Մինչև վեճը դատարան ուղարկելը Կողմերը պետք է միջոցներ ձեռնարկեն վեճը պահանջների միջոցով լուծելու ուղղությամբ: Պահանջը պետք է ներկայացվի գրավոր: Պահանջը ստանալուն պես Կողմը պետք է ներկայացնի ըստ էության գրավոր պատասխանը պահանջը ստանալու ամսաթվից ոչ ուշ քան 15 օրացուցային օրվա ընթացքում։ Եթե Կողմերը չեն կարողանում կարգավորել վեճը, այն կարող է հանձնվել դատարանի լուծմանը:
3. Եթե վեճը հնարավոր չէ լուծել բանակցությունների միջոցով, ապա այն պետք է ուղարկվի դատարան Ընկերության գտնվելու վայրի հասցեով:

Դրույթների մասնակի անվավերությունը
1. Հաշվի առնելով ՀՀ օրենսդրության պահանջները՝ այն դեպքում, եթե սույն Պայմանագրի որևէ դրույթ դառնում է կամ համարվում է անվավեր, անօրինական կամ պարտադիր կատարման ոչ ենթակա, ապա այդպիսի դրույթը ուժը կորցնում է միայն նշված անվավերության կամ պարտադիր կատարման անհնարինության ծավալով և չի կարող ազդել սույն Պայմանագրի մնացած դրույթների վավերականության վրա:

Ֆորս-մաժոր
1. Կողմերն ազատվում են պատասխանատվությունից սույն Պայմանագրով սահմանված պարտավորությունները չկատարելու կամ ոչ պատշաճ կատարելու համար, եթե պատշաճ կատարումն անհնար է դարձել անհաղթահարելի ուժի ազդեցության հետևանքով: Այդպիսի իրավիճակներն են բնական աղետները, ապստամբությունները, ռազմական գործողությունները, գործադուլները, տնտեսական շրջափակումը, պետական կառավարման մարմինների ակտերն ու գործողությունները և այլ հանգամանքները, որոնք սույն Պայմանգրի կատարման վրա նշված հանգամանքների ազդելու ժամանակ Պայմանագրի Կողմերի ազդեցությունից դուրս էին:
2. Անհաղթահարելի ուժի ի հայտ գալու դեպքում Պայմանագրի կողմը, որի համար Պայմանագրով սահմանված պարտավորությունների կատարումը անհնարին է, պետք է հնարավորինս կարճ ժամկետում տեղեկացնի այդ մասին մյուս կողմին՝ կցելով համապատասխան ապացույցներ:

Ծանուցումները
1. Բոլոր ծանուցումները Կողմերի կողմից ուղարկվում են Պայմանագրում նշված վավերապայմաններով, եթե Կանոնների այլ դրույթներով այլ բան նախատեսված չէ:
2.Հաճախորդին ուղղված՝ Պայմանագրով նախատեսված բոլոր ծանուցումները Ընկերությունն իր հայեցողությամբ պետք է ուղարկի հետևյալ եղանակներից մեկով՝
·Պայմանագրում նշված Հաճախորդի էլեկտրոնային հասցեին,
·Հաճախորդի հեռախոսահամարին ուղարկված SMS հաղորդագրության միջոցով,
· «Whatsapp», «Telegram» մեսենջերներում տեքստային հաղորդագրությունների միջոցով, որոնք կապված են Պայմանագրի վավերապայմաններում նշված Հաճախորդի հեռախոսահամարի հետ,
·պատվիրված նամակով հանձնման մասին ծանուցմամբ,
·սուրհանդակով Հաճախորդին` նամակի երկրորդ օրինակի (պատճենի) վրա ընդունման մասին նշումով:
3. Հաճախորդը Պայմանագրով նախատեսված՝ Ընկերությանն ուղղված բոլոր ծանուցումներն ուղարկում է իր հայեցողությամբ հետևյալ եղանակներից մեկով ՝
·Ընկերության էլեկտրոնային փոստի հասցեին՝ Պայմանագրի վավերապայմաններում նշված Հաճախորդի էլեկտրնային փոստի հասցեից,
·Պայմանագրի վավերապայմաններում նշված Հաճախորդի հեռախոսահամարի հետ կապված «Whatsapp», «Telegram» մեսենջերներում տեքստային հաղորդագրությունների միջոցով,
·Ընկերության իրավաբանական հասցեին փոստով՝ ստացման մասին ծանուցմամբ,
·սուրհանդակով Ընկերության լիազորված ներկայացուցչին` երկրորդ օրինակի (պատճենի) վրա՝ Պահեստային Բոքսի գտնվելու վայրի հասցեով համապատասխան նամակը ընդունելու մասին նշումով, Հաճախորդի ներկայանալու դեպքում նրա կողմից անձը հաստատող փաստաթուղթ ներկայացնելով:
4.Պայմանագրին կից բոլոր հաղորդագրություններն ու ծանուցումները իրավաբանական ուժ ունեն այն պահից, երբ դրանք ուղարկվել են Կողմին, որին հասցեագրված են եղել:

Այլ պայմանները
1.Պայմանագիրը և դրան կից բոլոր հավելվածները կազմվում են հայերեն լեզվով, յուրաքանչյուր Կողմին տրվում է մեկական օրինակ:
2. Կողմերը պարտավորություններ են ստանձնում և պատասխանատվություն են կրում սույն Կանոնների համապատասխան, որոնք Պայմանագրի անբաժանելի մասն են կազմում: Սույն Կանոնները զետեղված են Ընկերության կայքում և Պահեստային Բոքսի գտնվելու վայրում, հասանելի են բոլորի համար:
3. Կնքելով Պայմանագիրը՝ Հաճախորդը հաստատում է, որ ծանոթացել է Կանոններին և համաձայն է դրանց:
4. Ընկերությունն իրավունք ունի միակողմանի կարգով փոփոխություններ կատարել Ստանդարտ Կանոններում, որոնք ուժի մեջ են մտնում բոլոր Հաճախորդների համար Ընկերության Կայքում նոր խմբագրությամբ հրապարակման պահից: Ստանդարտ պայմանների ցանկացած փոփոխություն տարածվում է բոլոր Ստանդարտ Կանոններին միացած բոլոր Հաճախորդների վրա, այդ թվում մինչև փոփոխությունների ընդունման ամսաթիվը միացած Հաճախորդներին վրա. այդ կապակցությամբ Հաճախորդը ինքնուրույն կերպով իրականացնում է նշված փոփոխություններին ծանոթանալուն ուղղված բոլոր անհրաժեշտ գործողությունները:
5. Կողմերը Վարձակալության պայմանագրով ստանձնած պարտավորությունները կատարելու ընթացքում պարտավորվում են խիստ գաղտնիություն պահպանել մյուս Կողմից ստացված տեղեկատվության վերաբերյալ, ինչպես նաև պարտավորվում են ձեռնարկել բոլոր հնարավոր միջոցները` ստացած տեղեկատվությունը հրապարակումից պաշտպանելու համար: Գաղտնի տեղեկատվության փոխանցումը կարող է իրականացվել բացառապես մյուս Կողմի գրավոր համաձայնությամբ՝ անկախ պայմանագրի գործողության դադարեցման պատճառից և ժամկետից: «Անձնական տվյալների պաշտպանության մասին» ՀՀ օրենքի պահանջների համաձայն, Հաճախորդը ֆիզիկական անձ է, որը Ընկերության հետ վարձակալության պայմանագիր կնքելով հաստատում է, որ համաձայն է Պայմանագիրը կնքելու ժամանակ տրամադրած իր անձնական տվյալների՝ Ընկերության կողմից անորոշ ժամկետով մշակմանը: Հաճախորդը համաձայնում է ստանալ Ընկերությունից իր հեռախոսահամարին և էլեկտրոնային փոստի հասցեին ուղարկած տեղեկատվական հաղորդագրությունները և գովազդային առաջարկները: